’
صباحكم نقاء كأنتم
/
تمنيتك على كبر الألم تبقى حبيب(ن) ماعرف ينسى
حبيب(ن) لا تباطاني ، تذكر لهفتي لروحه
حبيب(ن) لا صحت عين الظلام يجافي الممسى
يقول : شلون ينام الي فقد في هالمسا لوحه ؟
عشقها قبل يرسمها ، قبل لا تكبر و يقسى
قبل تآخذ تفاصيله ، و يهديها بعض نوحه
قبل لا يشوه الصورة ، اذا ما ليلهم أعسى
و يرسم خاتمتها { جرح } يعده أصعب جروحه
حبيب(ن) لا غفى هاك المسا و أقبل فجر أقسى
يقول : الصبح من دونك حزين
وفاقد(ن) روحه
حزين الصبح من دونك يناجي آهتي الخرسا
و يبكي حبنا الي مابقى منه سوى تروحه
حزين الصبح متعود اذا ماليلنا أمسى
سهرنا للفجر نرقب سناه ودندنة بوحه
تمنيتك تراجع ما مضى من حبنا و اقفى
و تتذكر صحاري قفر غدت من حبنا دوحه
و تتذكر وليف(ن) في حشاه محبتك أرسى
و ثبتها بموازين الغلا و كان الثمن روحه
تمنيت وتمنيت و خذيت من الأماني للعمر درسا
تعلمته و رددته و جيت اليوم أبي بوحه
أنا لامن تكاثرت الألم لابد ،
{ ما }
أقسى
يجي الانسان من نار(ن) ضواها ، عالأقل فوحه
يوم أمس 27 - 10 - 2009
الساعة التاسعة وجعا
مخرجي }
ليت الأماني تصيب
ليست هناك تعليقات:
إرسال تعليق