’
ورق
و لما يحضن اِيدينك
ينكتب به شي تدينه او يدينك
بس عادي ينمحي
اللي منه تستحي
كان كذب او قول زور او جرح منا ينتخي
لانه بـ ورق
سهل جداً يحترق
و يُرمى في سلة تفاهات الورق
و تهتني بمحبته ., يعني انك تشتكي ضيم و أرق
و دك انك من عناها في سطوره تنسرق
ورق , كنت دايم اسهر بليلي معاه
كنت اشكي له تفاهات الحياة
و كان دايم يحضن اسراري العتيقة
ينسكب فيه الحبر ., و تنجلي بي كل ضيقة
كنت اوصف له مرارة هالزمان
كيف حاضرنا تغيّر ع الي كان
و صار جاحد , ناكر و ماله امان
و ينتهي فيني الكلام
و من بقايا اوراقي اصنع طايرة , ما تطير ., بس تغفى بي وانام
و قبل انام
كنت افخر بـ اللي حولي من أنام
و كنت استتفه مقولات الغدر
كيف صاحب يغدر بلحظة صديقه ؟!!
وكنت ما اصدق حكايات البشر
الخوي يعني اخو
كيف يتجرا على طعنة رفيقه !
و ابتسم و اغفى وانام
و مرت ايام و ليالي
و اكتشفت ان اكثر اَصحآبي ورق
يعني لو اصنع من الارواح فيهم أي سفينة
تعبر الواقع معي حب و سكينة
بيتشكل كذب و احقاد و ضغينة
و لانها مصنوعة بـ ورق تالي لا بد تغرق
يا الـ صديقة
ليه طعنات الظهر
ليه ما و اجهتي فيني كبريائي اللي زعمتي
ليه ما قلتي غلطتي
و انا من حقي أبرر أو أوضّح زيف ما قلتي و ذكرتي
كان حكيك جارح و" فيه انفعلتي "
كنت ارددها لعدوي
يوم جاني ينثر اقوالك بجوي
كنت ابرر لك قبل ما اواجهك باللي فعلتي
و انصدمت انك حكيتيه بقناعة
كان جرحك في فؤادي اكبر اكبر من كلامٍ في ورق
و لانه ما كان بـ ورق
صعب جداً يحترق
و يُرمى في سلة تفاهات الورق’
ليست هناك تعليقات:
إرسال تعليق